1. Нүүр хуудас
2. Мэдээ, мэдээлэл
3. Та энд байна

САЙНШАНД. /2025.06.06/ - Монгол Улсын Ерөнхийлөгчийн зарлигаар хэрэгжиж буй “Тэрбум мод” үндэсний хөдөлгөөний хүрээнд Монгол Улсын Далайн захиргаа Дорноговь аймгийн Сайншанд сумын нутагт байрлах “Ахмадын сувилал”-ын талбайд 200 ширхэг мод тарилаа.

Тус ажлын хүрээнд говийн бүс нутагт ургадаг шар хуайс, хайлаас зэрэг модыг сонгон тарилаа. Энэхүү үйл ажиллагаа нь говийн бүс нутгийн цөлжилттэй тэмцэх, экологийн тэнцвэрт байдлыг хадгалах, орчны ногоон байгууламжийг нэмэгдүүлэхэд чухал хувь нэмэр оруулж буй юм.

Далайн захиргааны дарга Б.Сайнбаяр энэ үеэр хэлэхдээ, байгаль орчныг хамгаалах, нөхөн сэргээх чиглэлээр идэвхтэй оролцож ирснээ онцлоод, олон улсын далайн байгууллагад нэгдсэний бэлгэдэл болгон 2030 он хүртэл нийт 1996 ширхэг мод тарих төлөвлөгөөтэй байгааг дурдав.

Цаашид Далайн захиргаа “Тэрбум мод” үндэсний хөдөлгөөний хүрээнд байгаль орчны хамгаалал, нөхөн сэргээлт, ногоон хөгжлийн бодлогыг тууштай дэмжин ажиллахаа илэрхийллээ.