1. Нүүр хуудас
2. Мэдээ, мэдээлэл
3. Та энд байна

БНХАУ-ын Фүжоу хотноо зохион байгуулагдсан Ази, номхон далайн бүс нутгийн Далайн аюулгүй байдлын дарга нарын 24 дэх удаагийн зөвлөгөөнд (АФОМСА) Далайн захиргааны дарга Б.Сайнбаяр болон бусад албаны төлөөлөл оролцлоо.

Зөвлөгөөний үеэр Монгол Улсын Далайн захиргааны төлөөлөгчид “Далайн дээрмийн тохиолдлуудад хийсэн дүн шинжилгээ, сургамж” болон “Хууль бус үйл ажиллагаанаас урьдчилан сэргийлэх арга хэмжээ” гэсэн хоёр үндсэн сэдвээр илтгэл тавьж, хэлэлцүүлэг өрнүүлэв. Энэхүү илтгэлүүд нь бүс нутгийн далайн аюулгүй байдлыг сайжруулах, хууль бус үйл ажиллагааг бууруулах чиглэлээр Монгол Улсын оролцоог нэмэгдүүлэх чухал ач холбогдолтой байв.

АФОМСА-гийн энэ удаагийн хурал нь бүс нутгийн далайн аюулгүй байдлын хамтын ажиллагааг улам бэхжүүлж, гишүүн орнуудын хамтын хүчин чармайлтыг нэгтгэх чухал арга хэмжээ болсон юм.

Ташрамд дурдахад, АФОМСА нь Ази, Номхон далайн бүс нутаг дахь далайн салбарын томоохон олон улсын байгууллагын нэг юм. Монгол Улсын Далайн захиргаа тус байгууллагын үйл ажиллагаанд 2017 онд анх ажиглагчаар оролцож, 2018 онд албан ёсны гишүүн элссэн.