1. Нүүр хуудас
2. Мэдээ, мэдээлэл
3. Та энд байна

Далайн тээврийн хамтарсан компани байгуулахаар тохиролцож гэрээ байгуулсан БНСУ-ын Саммок шиппинг болон Монголын талын хувь нийлүүлэгч болох “Монголиан Транспортэйшн Гейт” компаниуд ээлжит энэ оны 2 дугаар сарын 26-нд ээлжит уулзалтаа Улаанбаатар хотод зохион байгуулж Монгол Улсын уул уурхайн бүтээгдэхүүнийг далайгаар тээвэрлэх үйл ажиллагааны төлөвлөгөөг хэлэлцэж холбогдох албаны хүмүүстэй уулзав.

Хамтарсан компани нь энэ оны 2-3 дугаар улиралд далайн тээврийн анхны туршилтын тээвэрлэлтийг гүйцэтгэхээр төлөвлөж байгаа бөгөөд энэхүү ажлын хүрээнд “Шарын гол” ХХК болон бусад уул уурхайн компанийн төлөөлөлтэй уулзаж далайгаар тээвэрлэх бүтээгдэхүүний шинж чанар, төрлийн талаар судлагаа хийлээ. Мөн БНХАУ-ын Тяньжин боомтын Дунзянь дүүрэгт Монгол Улсаас хөрөнгө оруулахаар томилогдон ажиллаж буй Монголын Төмөр Зам Төрийн өмчит Компанид зочлон далайн тээврийн салбарт цаашид хамтран ажиллах нөхцөл боломжийн талаар санал солилцов.