1. Нүүр хуудас
2. Мэдээ, мэдээлэл
3. Та энд байна

ШИНЭ КОРОНА ВИРУС БА ДАЛАЙН ТЭЭВЭРТ ҮЗҮҮЛЖ БУЙ СӨРӨГ НӨЛӨӨ

Үр дүнтэй шинэ вакцин гартал шинэ Корона вирус хэмээх энэхүү тахал зөвхөн БНХАУ-аар хязгаарлагдахгүй, дэлхий даяар тарах хандлагатай байна. Энэхүү өвчин далайн тээвэрлэлт болон дэлхийн эдийн засагт хэрхэн нөлөөлөх вэ?

БНХАУ-ын гүйцэтгэлийн тайлан мэдээнээс харахад ажиллах хүчний дутагдлаас шалтгаалан боомтод буулгаж буй ачаа бөглөрч боомтын нэвтрүүлэх хүчин чадал, тээвэрлэлтийн үйл ажиллагаа буурсан байна. Хятадын Тээврийн яамнаас боомтын үйл ажиллагааг хэвийн горимд нь оруулахаар ажиллаж байгаа боловч өвчний нөхцөл байдалтай холбоотой төдийлөн үр дүнд хүрэхгүй хэвээр байгаа юм байна.

Иймээс Хятадын Засгийн газраас боомтын үйл ажиллагаанаас шалтгаалан бизнест нь сөрөг үр дагавар гарсан байгууллагуудад Давагдашгүй хүчин зүйл-ийн нөхцөлөөр гэрээгээ цуцлах боломж санал болгож, нотолгоо бүхий гэрчилгээ олгож байна гэжээ.  

Сингапур Улсын далайн тээврийн боомтын ажилтнууд Хятадаас ирж буй бүх хөлөг онгоцны багийн гишүүдийг буулгахгүй байх шаардлагыг удирдлагадаа тавьсаар байгаа юм байна.

Вирустай холбоотой үүдэн бий болоод буй далайн тээврийн үйл ажиллагааны энэхүү огцом бууралт АНУ-д ч тун удахгүй нөлөөлөх ажээ. БНХАУ-аас далайн тээврийн хөлөг онгоц Номхон далайг гатлан Америкийн баруун эрэгт иртэл ойролцоогоор 20 хоног болдог. Ихэнх цуцлагдсан ачаа болон хугацаагүйгээр хойшлогдсон ачаа барааны нийлүүлэлтийн сул орон зай энэ оны хоёрдугаар сарын дундаас эхлээд мэдрэгдэж эхлэх юм. Энэ нь Калифорнийн эрэг дагуу байрладаг Лос Анжелес болон Лонг Бийч боомтуудад илт ажиглагдах болно гэж судлаачид үзэж байна гэжээ.

Эх сурвалж: https://www.forbes.com/sites/chuckdevore/2020/01/31/the-coronavirus-outbreak-is-now-a-crisis-how-might-that-affect-the-economy/#5ac2bf1fcab0