ЗТХЯ-ны харьяа Далайн захиргаа болон Хөвсгөл аймгийн Улаан загалмайн хорооны хооронд хамтран ажиллах тухай Санамж бичиг байгуулагдлаа.

2017 оны 03 дугаар сарын 21-ний өдөр Далайн захиргаа Хөвсгөл аймгийн "Улаан загалмайн хороо"-той хамтран ажиллах тухай Санамж бичгийг байгууллаа. Энэхүү арга хэмжээнд Далайн захиргааны Захиргаа, удирдлагын хэлтсийн дарга Д.Амартүвшин, Хөвсгөл аймгийн "Улаан загалмайн хороо"-ны дарга Б.Пүрэвжав нараас гадна холбогдох мэргэжилтнүүд оролцлоо. Уг Санамж бичгийн хүрээнд Хөвсгөл нуурын эрэг орчмын иргэд, жуулчны баазын ажилчдад зориулан усанд осолдсон хүнд анхан шатны тусламжийг хэрхэн зөв, түргэн шуурхай үзүүлэх талаарх мэдлэг, ур чадвар эзэмшүүлэх зорилго бүхий сургалтыг зохион байгуулах, зохистой аялал жуулчлалын талаарх иргэдийн мэдлэгийг дээшлүүлэх талаар заавар, зөвлөмжөөр ханган ажиллах зэрэг ажлыг хийж гүйцэтгэх юм.
Хөвсгөл нууранд үйл ажиллагаа явуулж буй усан замын тээвэр эрхлэгч аж ахуйн нэгж, иргэдэд болзошгүй осол, зөрчлөөс урьдчилан сэргийлэх дадлыг төлөвшүүлэх, практикт хэрэгжүүлэхэд нь мэргэжил, арга зүйн зөвлөгөө өгөх сургалтыг Хөвсгөл аймгийн “Улаан загалмайн хороо”-той байгуулсан дээрх Санамж бичгийн хүрээнд зохион байгуулахаар 2017 оны үйл ажиллагааны төлөвлөгөөндөө мөн тусгаад байна.