“2016-Хятад улсын Эрээн хотын Хятад, Монгол, Орос улсын эдийн засаг худалдааны хамтын ажиллагааны форум” оролцлоо

Форумын үеэр бизнесийн байгууллагын танилцуулга хийгдэж, Хятад-Монгол-Оросын олон улсын бүс нутгийн үйлдвэрлэлийн хүчин чадлын хамтын ажиллагааны холбооны үйл ажиллагааг эхлүүлэх олон тооны хамтын ажиллагааны хэлэлцээр, санамж бичгүүд зурагдсан зэрэг нилээд ач холбогдол бүхий цогц арга хэмжээ болж өндөрлөө.
Тус арга хэмжээнд Далайн захиргааны дарга Х.Энхбаатар, мэргэжилтнүүдийн хамт уригдан оролцсон бөгөөд үзэсгэлэнгийн үеэр БНХАУ-ын Жинжоу боомт хот дахь өөрийн төлөөлөгчийн газартай хамтран дотоодын логистик, тээвэр зуучийн 23 компаний төлөөллийг оролцуулан уулзалт, семинарыг мөн зохион байгуулан юм.
. Монгол Улсын далайн тээвэрлэгдэж буй бараа, ачаа эргэлтийн дийлэнх хувийг урд хөршийн гадаад худалдаанд нээлттэй Тяньжин боомтоор хийж байгаа бөгөөд зөвхөн нэг гарцаар харилцах биш шинэ гарч, боломжийг нээх нь зүйтэй гэж үзэн Жинжоу боомттой харилцаа, хамтын ажиллагааг эхлүүлэн Далайн захиргааны төлөөлөгчийн газраа албан ёсоор байгуулж, төлөөлөгчийг томилсон. Семинар тус боомтын талаар бүрэн хэмжээний танилцуулгыг хүргэх зорилгоор зохион байгуулагдсан юм.