Талархал

“Монгол Улсын усан замын тээврийн аюулгүй ажиллагаа” сэдэвт үндэсний семинарыг 2016 оны 7 дугаар сарын 6-7-ны өдрүүдэд Хөвсгөл аймгийн Хатгал тосгонд болж, ерөнхий зохион байгуулагчаар Зам тээврийн хөгжлийн яам, Хөвсгөл аймгийн Засаг даргын тамгын газар, хамтран зохион байгуулагчаар Олон улсын далайн байгууллага, Олон улсын далайн авран туслах холбоо оролцсон билээ. Семинарт БОНХАЖЯ, ТЕГ, Хил хамгаалах ерөнхий газар, ОБЕГ, МХЕГ, ИНЕГ, Архангай, Ховд, Булган аймгуудын Засаг даргын тамгын газар, Хөвсгөл аймгийн аялал жуулчлалын холбоо, Хатгал тосгоны захирагчийн ажлын алба, Усан замын тээвэр эрхлэгч аж ахуй нэгж, иргэд болон хүндэт зочид Олон Улсын Далайн байгууллагыг төлөөлж ноён Бекир Ситки, Олон улсын далайн авран туслах холбооны дарга ноён Удо Хэлгэ Фокс, БНСУ-ын Далайн тээвэр, загас агнуурын институтын захирал, Бусан боомтын захиргааны мэргэжилтэн зэрэг дотоод гадаадын нийт 150 гаруй оролцогчидтойгоор амжилттай зохион байгуулагдсан. Ийнхүү Зам, тээврийн хөгжлийн яамны харьяа Далайн захиргаанаас нийт оролцогчид болон хамтран ажилласан аж ахуйн нэгж, байгууллага, иргэдэд дараах талархалыг хүргүүлж байна.