ОБЕГ-тай байгуулсан хамтын ажиллагааны санамж бичгийн биелэлтийг хэлэлцлээ

Санамж бичгийн хүрээнд усан замын тээвэр эрхлэгч аж ахуйн нэгж, иргэдийн үйл ажиллагаанд хяналт тавих, осол, эндэгдлээс урьдчилан сэргийлэх, эрэн хайх, аврах ажиллагааг зохион байгуулах, эрэг дагуух завьт эргүүлийн хяналтыг хамтран зохион байгуулах, олон улсын болон төрийн бус байгууллагаас зохион байгуулах арга хэмжээнд оролцох, Хөвсгөл аймгийн Хатгал тосгонд жил бүр зохион байгуулдаг хамтарсан сургалт, семинарт онцгой байдлын албан хаагчдыг оролцуулах зэрэг ажлуудыг төлөвлөсний дагуу амжилттай хамтран хэрэгжүүлсэн. 2016 оны 2 дугаар сарын 17-ны өдөр санамж бичгийн төлөвлөгөөний биелэлтийг ОБЕГ-ын Дэд дарга, Онцгой байдлын хурандаа Г.Ариунбуян, Далайн захиргааны Орлогч дарга Г.Цогоо болон холбогдох мэргэжилтнүүдийн бүрэлдэхүүнтэйгээр хэлэлцсэн. Тус уулзалтаар 2016 онд хэрэгжүүлэх ажлын төлөвлөгөөнд оруулах саналаа нэгтгэхээр харилцан тохиролцсон юм.