“Шарын гол” ХК-ны нүүрс баяжуулах үйлдвэрийн нээлтэд оролцлоо.

Уг нээлтийн арга хэмжээнд Зам, тээврийн яамны Стратегийн бодлого, төлөвлөлт, хамтын ажиллагааны газрын дарга С.Адъяасүрэн, Далай ашиглалт, усан замын тээврийн хэлтсийн дарга Р.Мэргэн, ахлах мэргэжилтэн Б.Мөнхолд, Далайн захиргааны дарга Х.Энхбаатар, мэргэжилтэн С.Наранцэцэг нар болон БНСУ-ын “Саммок Шиппинг” ХХК-ийн захирал Ли Куан Хи, менежер Д.Халиун нар оролцлоо.
Нээлтийн үеэр “Саммок Шиппинг” ХХК-ийн захирал хүрэлцэн ирсэн зочид, төлөөлөгч болон тус уурхайн нийт хамт олонд хүндэтгэл илэрхийлж баярын мэндчилгээ дэвшүүлсэн бөгөөд Монгол Солонгосын хамтарсан далайн тээврийн компани болох “Монгол Саммок Ложистикс” ХХК болон “Шарын гол” ХК хооронд туршилтын тээвэр хийх санамж бичиг байгуулан цаашид хамтран ажиллах болсондоо баяртай байгаагаа илэрхийлсэн.