МОНГОЛ УЛСЫН ДАЛАЙН ЗАХИРГАА ШИНЖЛЭХ УХААНЫ АКАДЕМИЙН ГАЗАРЗҮЙ, ГЕОЭКОЛОГИЙН ХҮРЭЭЛЭНТЭЙ ХАМТЫН АЖИЛЛАГААНЫ САНАМЖ БИЧГИЙГ БАЙГУУЛЛАА.
2026-04-03
Энэхүү баримт бичгийн хүрээнд талууд Монгол орны гол, мөрөн, нуурын экосистемийг хамгаалах, байгаль орчинд ээлтэй усан замын тээврийг хөгжүүлэх, усны чанарт үзүүлж буй нөлөөллийг тодорхойлох эрдэм шинжилгээ, судалгааны чадавхыг бэхжүүлэх чиглэлээр олон улсын байгууллагуудын дэмжлэгтэй хамтарсан төсөл хөтөлбөр хэрэгжүүлэхээр харилцан тохиролцов.
Усны нөөц, чанар, бохирдлын талаарх судалгааны үр дүнд суурилсан нэгдсэн өгөгдлийн сан бүрдүүлэх, орчин үеийн мониторингийн техник технологийг нэвтрүүлэх, талууд мэргэжилтэн, судлаачдыг харилцан сургах, туршлага солилцох, эрдэм шинжилгээний хэлэлцүүлэг, сургалт семинар зохион байгуулах, цаашид ажлын төлөвлөгөө гарган үр дүнгээ дүгнэж байх юм.
