1. Нүүр хуудас
2. Мэдээ, мэдээлэл
3. Та энд байна

Улаанбаатар хот — Монгол Улсын Далайн захиргааны урилгаар Бүгд Найрамдах Солонгос Улсын Далайн шинжлэх ухаан, технологийн институт (KIOST)-ийн KIOST School-ийн захирал, профессор Chang, Yeon Sihk тэргүүтэй төлөөлөгчид 2026 оны 3 дугаар сарын 20-22-ны өдрүүдэд Монгол Улсад албан айлчлал хийлээ.

Энэхүү айлчлал нь Монгол Улсын Далайн захиргаа болон БНСУ-ын Далайн шинжлэх ухаан, технологийн институт хооронд байгуулсан хамтын ажиллагааны санамж бичгийн хүрээнд хэрэгжиж буй бөгөөд хоёр байгууллагын хамтын ажиллагааг өргөжүүлэх, цаашдын хамтарсан судалгаа, төсөл хөтөлбөрийг тодорхойлох зорилготой байв.
Айлчлалын хүрээнд талууд далайн болон усан орчны судалгаа, шинжилгээ, технологийн хөгжүүлэлт, уур амьсгалын өөрчлөлтийн нөлөөлөл зэрэг чиглэлээр хамтран ажиллах боломжийн талаар санал солилцож, цаашдын хамтын ажиллагааны төлөвлөгөөг хэлэлцэв.
Монгол Улсын Далайн захиргаанаас энэхүү айлчлал нь хоёр орны шинжлэх ухаан, технологийн салбарын хамтын ажиллагааг бэхжүүлэх, далайн болон усан орчны судалгааг шинэ шатанд гаргахад чухал ач холбогдолтой болохыг онцоллоо.