1. Нүүр хуудас
2. Мэдээ, мэдээлэл
3. Та энд байна

Гамшгаас хамгаалах тухай, Байгаль орчныг хамгаалах тухай, Усан замын тээврийн тухай хууль тогтоомжийг хэрэгжүүлэх, хамтын ажиллагааг өргөжүүлэх зорилгоор Онцгой байдлын ерөнхий газар болон Монгол Улсын Далайн захиргаа хооронд хамтын ажиллагааны Санамж бичиг байгууллаа. 

Энэхүү Санамж бичгийн хүрээнд усан замын тээврийн аюулгүй байдалд тавих хяналт, зохицуулалтыг сайжруулах, болзошгүй усны ослоос хүний амь нас, эрүүл мэнд, байгаль орчинд учруулах хор хохирлоос урьдчилан сэргийлэх арга хэмжээг төлөвлөн хэрэгжүүлэх, холбогдох хууль тогтоомжийг олон нийтэд сурталчилан таниулах, харилцан мэдээлэл солилцох чиглэлээр хамтран ажиллана. 

Мөн усан замын тээврийн үйлчилгээ эрхлэгч аж ахуйн нэгж, иргэдийн усан замын тээвэрлэлтийн үйл ажиллагаанд эрсдэлийн үнэлгээ хийх, эрсдэлийг бууруулах талаар мэргэжил арга зүйн зөвлөгөө, зөвлөмж хүргэх, болзошгүй усны ослоос урьдчилан сэргийлэх талаар олон нийтэд чиглэсэн нөлөөллийн арга хэмжээг зохион байгуулахаар тохиролцлоо.